பால் சுறா புட்டு

தேவையான பொருட்கள்:

பால் சுறா - 1/2 கிலோ
பெரிய வெங்காயம் – 2
பச்சை மிளகாய் – 5
பூண்டு – 10
கொத்தமல்லி – 1 கொடி
கறிவேப்பிலை – 1 கொடி
தாளிக்க சோம்பு - 1/2 டீஸ்பூன்
வரமிளகாய் தூள் - 1 1/2 டீஸ்பூன்
மஞ்சள் தூள் - 1/2 டீஸ்பூன்
உப்பு – தேவையான அளவு
எண்ணெய் – தேவையான அளவு


செய்முறை:


பால் சுறா, தோல் வெள்ளையாக மெல்லியதாக இருக்கும். எளிதாக வேக வைக்கலாம். சுறாவை மஞ்சள் தூள் போட்டு வேக விட்டு தோல் உரித்து முள் எடுத்து உதிர்த்து வைக்கவும்.
அதில் உப்பு, மிளகாய் போட்டு பிசைந்து வைக்கவும். ஒரு கடாயில் எண்ணெய் விட்டு சோம்பு தாளித்து பொடியாக வெட்டிய வெங்காயம், பூண்டு, பச்சை மிளகாய் போட்டு நன்றாக வதக்கி பிசைந்த மீனை போட்டு உதிரியாக வரும் வரை கிளறி எடுக்கவும்.

குறிப்பு: கறுப்பாக உள்ள சுறா மீன், எருமை சுறா. இதை குக்கரில் போட்டால் கூட வேகாது. ருசியும் இருக்காது. வெள்ளை நிறத்தில் உள்ள சுறா தான் பால் சுறா; நல்ல ருசியாக இருக்கும் சீக்கிரம்
வேகும்.